Ngayong umaga, tinanggap ko sa aking tahanan si Bernie Galsim Lavarias, ang naiwang asawa ng Pilipinang si Mary Ann De Vera, isang mabuti at mapagmalasakit na caregiver na nasawi sa isang Iranian missile attack sa Tel Aviv noong nakaraang linggo habang pinoprotektahan ang lolang kanyang inaalagaan. Kasama ni Bernie si Aileen Mendiola, Ambassador ng Pilipinas sa Israel, at ang mga kawani ng Embahada. Sa ngalan ng Estado ng Israel, ipinapaabot ko ang aking taos-pusong pakikiramay sa pamilya ni Mary Ann at sa buong sambayanang Pilipino. Maliban pa sa aking personal na pakikiramay, ipinahayag ko ang taimtim na pasasalamat at pagpapahalaga ng Israel sa Filipino community para sa kanilang di-matatawarang ambag sa aming bansa. Si Mary Ann ay isang tunay na bayani at isang anghel. Ang kanyang kabayanihan at sakripisyo sa pagliligtas ng buhay ay hindi kailanman malilimutan. Nawa’y maging pagpapala ang kanyang alaala.(יצחק הרצוג Isaac Herzog)